लक्ष्मी टाकळी येथे विविध विकास कामांचे भूमिपूजन सोहळा संपन्न...

आमदार निधीतून या भागातील १ कोटी १० लाख रुपये किमतीच्या विकास कामांना सुरुवात...

पंढरपूर प्रतिनिधी---

पंढरपूर तालुक्यातील लक्ष्मी टाकळी येथे आज पंढरपूर मंगळवेढा मतदारसंघाचे आमदार समाधान आवताडे यांच्या निधीतून होणाऱ्या विविध विकास कामांचे भूमिपूजन मंगळवेढा बाजार समितीचे माजी सभापती सोमनाथ अवतारी यांच्या हस्ते पार पडले.

याबाबत टाकळीचे माजी सरपंच बापूसाहेब कदम यांनी टाकळी गावठाण व नवीन प्लॉट एरिया महात्मा फुले नगर या भागातील रस्ते ड्रेनेज लाईट तसेच ओपन स्पेस विकास मंदिर सभामंडप अशा विविध कामांसाठी आमदार समाधान आवताडे यांच्याकडे पाठपुरावा केला होता. या भागातील लोकांची गेल्या पंचवीस वर्षापासूनची ही मागणी होती त्याला सकारात्मक प्रतिसाद देत आमदार समाधान आवताडे यांनी आपल्या आमदार निधीतून या भागातील १  कोटी १० लाख रुपये किमतीच्या विकास कामांना भरघोस निधी उपलब्ध करून दिला आहे.

या विकास कामांचा शुभारंभ व भूमिपूजन मंगळवेढा कृषी उत्पन्न बाजार समितीचे माजी सभापती सोमनाथ आवताडे यांच्या हस्ते झाले त्यावेळी टाकळीचे माजी सरपंच बापूसाहेब कदम, सचिन वाकळे, माऊली माने देशमुख, सुरेश भोसले, बाळासाहेब खपाले, समाधान देठे, संतोष डोंगरे, सारंग महामुनी, जितेंद्र बनसोडे, संतोष व्यवहारे, सुमीत खटावकर, यांच्यासह परिसरातील ग्रामस्थ महिला माता-भगिनी मोठ्या संख्येने उपस्थित होते.